sru:version: 1.2; sru:query: fcs.rf="mecmua.1_125"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_125"; sru:baseUrl: ; fcs:returnedRecords: 1; fcs:duration: PT0.029S PT0.035S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_125</phrase></query>)];

Ṣıyub ḫaṣmı dönüb qaṭʿ‑i menāzil eyleyüp şāhā
Qadem baṣduñ seʿādet mülkine ey ḥażret‑i Paşa
Şeref ol şehre kim anı gele teşrīf ėde cānı
Zehī devlet ki ol mülki müşerref ėde sulṭānı

5 Çıqup şarq illerin yeller gibi geşt ü güẕār ėtdüñ
Semend‑i bād‑pāy altında aʿdāyı ġubār ėtdüñ
Hücūm‑i şāh‑bāz tīġle ḫaṣmı şikār ėtdüñ
Şiʿāʿ‑i āfitābāsā hünerler āşkār ėtdüñ
Uçurduñ düşmen‑i zāġuñ yuvasın tār u mār ėtdüñ
Gelüb qalb‑i Qabūlī gibi mülkinde qarār ėtdüñ
Qılāʿ‑i Qarṣı yapduñ anı ḥod [!] muḥkem ḥiṣār ėtdüñ
Qaçurduñ āşiyānından ḥużūrın bī‑qarār ėtdüñ
Şeref ol mülke kim anda qarār ėde gelüb ḫānı
Reʿāyānuñ‑da bir pāre otura yėrine cānı

remel : feʿilātün ‑ feʿilātün ‑ feʿilātün ‑ feʿilün

fāʿilātün faʿlün

1 ʿAskerüñ cismine her demde özüñ baş olsun
Qanda kim ʿazm ėdesin ḥaq saña yoldaş olsun
Anuñ ayaġına pā‑māl Qızılbaş olsun
Qurusun düşmenüñüñ qanı gözi yaş olsun
Āb‑i rūy‑i vüzerā fetḥüñe [...] āş olsun

2 Emr‑ile ʿasker teninüñ [?] olub serdārı
Ṭop‑ile surḥ[!]‑serüñ başına yaqduñ nārı
Āb‑i şimşīrle pāk eyleyüb ol merdārı
Umarın ḫayr‑ile yād eyleye çār yārı
Sözi ḥaqdur eridür qalbi gerek ṭaş olsun

3 Qaraḫānını ṣıduñ Toqmaġı dil‑teng ėtdüñ
Boyaduñ qana Qızılbaşa ʿaceb reng ėtdüñ
Çalınan kūsına feryādını āheng ėtdüñ
Surḥ[!]‑serler ile Çıldırdaki yėr ceng ėtdüñ
Mübdel olmaz o ṣavaşa niçe uġraş olsun

4 Qaraḫānını vü [...] ḫānını vü Toqmaq Ḫānı
Ṣıdı ceng ile revān eyledi qara qanı
Aldı [...] geçüb tīġi ile Şirvānıı
Kim ki aṣḥāb‑i resūle dil uzadur anı
Qalʿe‑i Qarṣdan at ḫurde‑i ḫaşḫāş olsun